Iza balik-horror sa Regal

I-FLEX
ni Jun Nardo

COMEBACK is real para sa aktres na si Iza Calzado.

“Comeback ko na ito comeback din ng ‘Shake, Rattle and Roll,’” pahayag ni Iza sa cast reveal at teaser launch  ng Shake, Rattle and Roll Xtreme ng Regal Entertainment na isa sa hoping na makapasok sa last  four entries ngayong 2023 Metro Manila Film Festival.

“It feels great to be back working  and my expectations honestly, ‘pag gumagawa kasi ako ng isang proyekto, ayokong mag-expect kasi nakaka-pressure siya.

“Let’s enjoy! Ako I enjoy the process making the film. I enjoyed this with all of you today. Siguro, ang aking dasal, hiling sa Panginoon eh maraming makapanood nito!” pahayag pa ni Iza.

Makakasama ni Iza sina Jane de Leon, Jane Oneiza, RK Bagatsing, Angel Guardian, at iba pa pati na ilang Tiktokers at social influncers.

May episode title na Mukbang at tatlong directors nito ay sina Jerrold Tarog, Richard Sommes, at Joey de Guzman.

Dahil pinakamatagal at pinakamalaki  na horror franchise ang pelikula, hindi kompleto ang Metro Manila Film Festival kung wala ang pelikulang ito from Regal.