Monday , April 7 2025
Miggy San Pablo UPGRADE

Miggy San Pablo ng UPGRADE pinasok ang politika

MATABIL
ni John Fontanilla

MULA sa pagiging miyembro ng sumikat na boyband sa bansa, ang Upgrade, pinasok na rin ng isa sa miyembro nito, si Miguel “Miggy” San Pablo ang politika na tumatakbong konsehal ng baranggay sa kanilang lugar sa Malhacan, Meycauayan, Bulacan.

“Kaya ko po pinasok ang politika dahil na rin sa kinagisnan ko sa aking pamilya, na ang aking ama po ay kapitan ng aming barangay at kagawad naman ang aking nakatatandang kapatid, at saka masasabi ko rin na isa ‘yun sa pangarap ko ang maglingkod sa mga tao.

“Kinalakihan ko na rin po kasi na kasa-kasama ng ama at kapatid ko pagdating sa pagtulong sa tao, nakita ko ‘yung pagmamahal nila sa aming ka-barangay na gusto ko ring gawin kaya ako tumakbo.

“Although tumutulong-tulong na rin ako sa mga kababayan namin sa abot ng aking makakaya. Pero iba kasi ‘pag nakapuwesto ka mas maraming tao ang puwede mong matulungan.”

Ang kanyang amang si Kap Delfin “Dem” San Pablo III at ang kapatid nitong tumatakbong Kapitan na si Delfin “Tikboy” San Pablo IV at ang actor/gobernador ng Bulacan na si  Daniel Fernando ang idolo nito pagdating sa pagiging mabuting politiko.

“Isa po sa tinitingala ko ang gobernador ng aming bayan, si Gob. Daniel Fernando, dahil nagawa niyang mapagsabay ang pagiging public servant at pag-aartista at nakita ko naman po ang napakaraming magagandang nagawa niya sa Bulacan.”

Kahit pinasok na ni Miggy ang politika ay hinding-hindi niya iiwan ang showbiz.

“Sa pagpasok ko sa politika, hindi naman ibig sabihin iiwan ko na ang showbiz, siguro time management lang magagawa ko ring mapagsabay. Pero siyempre mas una para sa akin ang paglilingkod sa aking mga kababayan if papalarin akong manalo sa darating na eleksiyon.”

Kasamang tatakbo bilang konsehal ng Malhacan, Meycauayan Bulacan sina 

Romel Mel Abacan, Chon Certeza, Beverly Cornelio, Dang de Guzman, Chery Dayuta, at Tom Dulalia.

About John Fontanilla

Check Also

Archie Alemania Rita Daniela

Archie makakalaya kapag nakapagpiyansa  

I-FLEXni Jun Nardo BAILABLE ang kaso ni Archie Alemania na acts of lasciviousness kaya malaya pa rin …

Mikee Quintos Paul Salas

 Relasyong Mikee at Paul mabilis tinapos

I-FLEXni Jun Nardo ANO kaya ang mangyayari sa pelikula nina Mikee Quintos at Paul Salas ngayong hiwalay na sila? Sweet …

Michelle Dee Klarisse de Guzman Christrina Rey

Michelle nakatulong sa pag-come out ni Klarisse bilang bisexual

MA at PAni Rommel Placente MARAMI ang nagulat sa episode ng Pinoy Big Brother Celebrity Collab …

Michael Sager Vince Maristela PBB

Michael at Vince viral at trending sa PBB

MA at PAni Rommel Placente PUMASOK bilang celebrity housemates sa Pinoy Big Brother Celebrity Collab Edition sina Michael …

Angelo Miguel Innervoices Patrick Marcelino

Angelo iniwan na ang InnerVoices, Patrick pasok sa grupo 

MATABILni John Fontanilla TULUYAN nang iniwan ni Angelo Miguel ang kanyang grupong Innervoices, pero nagpaalam naman ito ng …