Joel Cruz nagpasaklolo sa NBI 

MATABIL
ni John Fontanilla

DUMULOG sa National Bureau of Investigation (NBI) ang negosyante at may-ari ng isang brand ng pabango na si Joel Cruz kasama ng kanyang abogado para paimbestigahan ang grupong nag-alok sa kanyang sumali sa Paris Fashion Week kapalit ng P4-M.

Ayon kay Cruz, pinangakuan umano ng grupo na lalahok siya sa prestihiyosong Paris Fashion Week kasama ng kanyang walong anak kapalit ng pagbabayad ng P4-M.

Matapos maibigay ang pera, dalawang beses na kinansela ng grupo ang show ni  na ang una ay noong Enero 2023 at ang pinakahuli ay habang nasa Paris na si Joel  at  kanyang mga anak ilang araw bago ang schedule ng show noong July 2023. Ibinahagi din ni Joel na lumapit sa kanya ang grupo para lang makapag-solicit ng pera sa publiko gamit ang Paris Fashion Week.

Nais ni Joel na mapanagot ang grupo dahil hindi lamang siya ang nabiktima ng mga ito at marami pang mga tao ang nahingan ng pera para sa naunsyaming show.