Enchong epektib ang pagsasayaw ng naka-brief 

HATAWAN
ni Ed de Leon

ABA pinag-uusapan nila ngayon ang ginawang pagsasayaw ni Enchong Dee ng naka-brief lamang sa isang marketing show ng ineendoso niyang underwear brand. Eh ano ang magagawa niya endorser siya ng underwear na iyon, kaya ano man ang maisip na gimmick ng mga may-ari para makatawag ng pansin at customers, kailangang gawin niya. Kung hindi ba naman siya susunod at palitan siya, kukunin ba naman siya ng mga kalabang brand, ‘di hindi rin. At saka normal na yata iyan ngayon.

Hindi ba si Carlos Agassi rin parang naging panata na ang pagpo-post ng kanyang mga pictue na naka-brief araw-araw sa social  media dahil sa ineendoso rin niyang underwear. Ang naging endorser lang naman ng underwear na hindi nagpaka-cheap ng ganyan ay si Richard Gomez, dahil nang pinag-endorse siya ng underwear ay isa na siyang sikat na sikat na actor.

Natural may say na siya. Eh kung nagsisimula ka pa lang na parang kakaning itik, aba eh wala kang karapatang umangal.