Topacio inokray mga pelikula ni Vice Ganda: walang katuturan

MATABIL
ni John Fontanilla

MATAPANG na sinabi ni Atty. Ferdinand Topacio na  walang  katuturan ang mga pelikulang ginagawa ni Vice Ganda.

“Gumastos kami ng P33-M para sa ‘Mamasapano.’ Ang hirap bawiin because of the climate of the local film industry. Dominated kasi ‘yung local industry ng foreign films. ‘Yon ang number one.

“Number two, ‘yung movies na walang katuturan. Katulad ng movies ni Vice Ganda. ‘Yon ang namamayagpag eh,” dagdag pa ng abogado.

“To be candid, ano ba ang naitutulong ng mga pelikulang iyon sa pagtaas ng antas ng pelikulang Filipino? Wala naman eh!” hirit pa ni Topacio.

“Mahihirapan nga tayo na makapantay o makadikit man sa mga gawang pelikula sa mga kapatid natin sa Asya like South Korea kung katulad ng mga pelikula ni Vice Ganda ang mapapanood sa mga sinehan.”

Dagdag pa nito, plano niyang gumawa ng 20 films simula ngayon until next year at dalawa rito ang Pain at One Dinner a Week na pagbibidahan ni Edu Manzano at ng baguhang aktres mula sa kanyang talent management.