Gary V. at Zild Benitez gustong maka- collab ng Innervoices 

MATABIL
ni John Fontanilla

NAGBABALIK sa recording scene ang isa sa bandang sumikat noong 90’s, ang Innervoices at nagpasikat ng awiting Paano mula sa kanilang hit album na Find Away na nanalo sila ng Best Performance by a New Group Recording Artist sa 28th Awit Awards.

Ang Innervoices ay kinabibilangan nina Angelo Miguel (Vocals), Rene Tecson (Guitar), Ruben Tecson (Drums), Rey Bergado (Key Board), Alvin Herbon (Bass Guitar), Joseph Cruz (Keyboard Vocals), at Joseph Esparrago( Drums, Percussion, Vocals).

At sa kanilang pagbabalik sa recording scene ay tatlong magagandang awitin ang hatid nila sa mga Pinoy music lovers at ito ay ang Isasayaw Kita, Anghel, at Hari.

Sa September 14 ay magkakaroon sila ng launching ng kanilang mga bagong song sa 19 East na magiging espesyal na panauhin nila sina Esang De Torres, The Sonnets and Abbey 25.

Dalawa sa gusto nilang maka-collab si Gary Valenciano at ang teen rock artist na si Zild Benitez.