Belle Mariano hindi ginamit ng pelikulang Huling Sayaw

MATABIL
ni John Fontanilla

MARIING pinabulaanan ng direktor ng pelikulang Huling Sayaw na si Errol Ropero na ginagamit nila si Belle Mariano para sa promo ng kanilang pelikula kaya inilagay nila ito sa poster.

Ayon kay Direk Errol, walang pangagamit na nagaganap dahil parte naman talaga ng pelikula si Belle bilang love interest ni Bugoy Cariño sa movie. Katunayan, nakapag-pictorial pa ito na siyang ginamit sa poster ng pelikula.

Ito ang pelikulang ginawa ni Belle noonh hindi pa siya sikat. At dahil four years in the making ang movie ay nagkaroon sila ng extra shootings pero hindi na umubra ang schedule ni Belle na sobrang dami ng ginagawa sa ngayon.

At kahit nga sa promotion ng pelikula ay no show na rin si Belle at hindi rin makatutulong mag-promote dahil ayon nga sa management ng aktres hectic ang schedule.

Anyways, ‘pag kumita ang pelikula sabit pa rin siya sa success ng movie, pero ‘pag sumablay sa takilya sabit pa rin siya. Ibig sabihin wala siyang  hatak sa takilya. 

Hopefully kumita ang movie kahit walang tulong mula kay Belle dahil napakaganda ng pagkakagawa ni Direk Errol. Showing na sa Sept. 13 sa mga sinehan nationwide.