HATAW! D'yaryo ng Bayan hatawtabloid.com
HATAWAN
ni Ed de Leon
KUNG panonoorin mo sa video, halata mong enjoy si Albie Casino habang kinakantahan ang mga kandidata ng Mutya ng Cotabato. Pero siguro iba ang kanyang orientation, hindi siya sanay sa mga formal shows, ang dapat sinabihan siya ng director ng show kung ano ang gagawin.
Siguro si Albie naman kasi kung nakukumbida sa mga probinsiya, mga pistahan iyon at tipong variety show ang ginaagwa.
Mabilis naman ang mga kritiko sa pamimintas na nagsabing hindi mo raw alam kung lasing si Albie o talagang sinadya niyang dinog show ang pageant.
Matinong bata naman iyan sa alam namin, at pinatutunayan naman ng lahat ng naroroon na hindi siya lasing. In fact, hindi nga raw uminom si Albie, kaya lang iyon nga siguro nasanay siya sa mga karaniwang ginagawa nila sa mga provincial show, kulang lang sa orientation.
Iyang si Albie, sayang na bata. Papasikat na iyan noon eh nang idiin ni Andi EIgenmann na binuntis siya at ayaw panagutan. Nasira nang husto si Albie noong panahong iyon, tapos lumabas naman na totoo pala ang sinasabi niya na hindi siya ang nakabuntis kay Andi, at itinuro lang siya dahil hindi maituro ang tunay na tatay na si Jake Ejercito dahil takot sila na malaman ni Erap na nakabuntis iyon. Later on kahit na inamin din ni Andi ang kanyang ginawa at nag-apologize kay Albie, wala na, nasira na ang career niyon.
Mabuti na lang at ngayon ay parang unti-unti ngang nakababangong muli ang career ni Albie. Buti na lang sinusuportahan pa rin siya ng ABS-CBN, iyon nga lang mahina ang suporta dahil wala nang prangkisa ang network. Pero makababangon din siguro ang career ng batang iyan. Kailangan lang niyang magtiyaga at magpasensiya sa kung ano man ang sitwasyon niya ngayon.
