RS Francisco nag-birthday sa Rancho Bravo Natural Farming

MATABIL
ni John Fontanilla

MASAYA at memorable para sa actor at  CEO & President ng Frontrow na si RS Francisco ang birthday celebration niya sa nagpakagandang Rancho Bravo Natural Farming sa Teresa, Rizal na pag-aari nina  Pedro Pete at Cecille Bravo.

Hindi nga sana magdiriwang ng kanyang kaarawan si RS pero kinausap ito ng matalik na kaibigang si Cecille na sa farm na nila ito mag-celebrate ng kanyang birthday at hindi na nga ito nakatanggi.

Kaarawan si RS noong Aug. 8 pero nag-celebrate ito sa Rancho Bravo Natural Farming noong Aug. 11 at nag-stay hanggang Aug. 14 ng umaga kasama ang malalapit na kaibigan.

Nagpapasalamat si RS sa mag-asawang Cecille at Pedro Pete at sa pamilya nito, maging kina Raoul Barbosa at Jeffrey Dizon na siyang nag-organize ng party.

Dumalo rin at nakisaya si Sephy Francisco.

Nagmistulang bakasyon na rin iyon kay RS na sobrang busy sa trabaho at sa pagtulong sa mga kapwa Filipino na nangangailangan ng tulong sa pamamagitan ng Frontrow Cares.