HATAW! D'yaryo ng Bayan hatawtabloid.com
MATABIL
ni John Fontanilla
TRENDING sa social media ang singer na si Lyca Gairanod nang i-post nito sa kanyang Facebook ang ginawa nitong pangangalakal sa Amerika.
Naging sentro nga ng usap-usapan sa social media ang video na nasa dumpsite ito kasama ang kaibigan habang naghahanap ng gamit na puwede pang pakinabangan.
“Dahil andito na ako sa US, ito ‘yung pangarap ko dahil alam mo ‘yung bibili ka ng gamit pero hindi mo kailangang magbayad,” sambit ni Lyca.
Dagdag pa nito “Trabaho ko ‘yun (pangangalakal) dati.
“Gusto ko sanang umakyat doon kaso parang may patibong.”
Sa huli ay hindi naman ito sinuwerteng makahanap ng mga gamit na mapakikinabangan pa, bagkus ay isang parte ng computer ang nakuha nito.
