HATAW! D'yaryo ng Bayan hatawtabloid.com
HATAWAN
ni Ed de Leon
BINANATAN na naman ni Sen Tito Sotto si Paolo Contis, nang sabihin niyong nakasasama ng loob na tinatawag silang fake Bulaga.
Sabi ni Tito Sen, ano ang karapatan ng TAPE Inc. na mag-celebrate ng 44 years, eh wala naman sila noong 1979. Dumating sila 1981 na. Iyang Eat Bulaga, TVJ iyan. Nang umalis na ang TVJ, wala ng Eat Bulaga.
Tama naman si Tito Sen, kaya nga Eat bulagta na lang ang lumalabas eh.
Iyan namang mga nasa kampo ni Jalosjos, hindi na sila dapat pang nagsasalita. Lalo silang nagiging antipatiko sa mata ng publiko, tumahimik na lang sila, mamigay na lang sila ng pera, baka matuwa pa ang mga tao sa kanila. Pero iyong ginagaya nila pati ang mga segment na pinasikat ng TVJ tapos marami pa silang kuda, hindi nakabubuti iyon.
May isa pa silang naka-deal na writer na kinausap nila para lumikha ng isang segment sa show. Nagulat na lang ang writer dahil maayos naman daw ang usapan nila tapos nakita na lang niya ang
segment pati na ang title na kanilang ginawa na ginagamit na ng grupo ni Jalosjos na wala silang pahintulot.
Ang akusasyon niya ninakaw ang idea nila. Segment nga lang iyon eh, kung iyong title ng show na alam naman nila kung sino ang gumawa, iginigiit nilang sila ang may-ari eh.
