Imelda Papin gustong maka-duet ng stuntwoman

ANG Jukebox Queen na si Imelda Papin ang ultimate idol ng businesswoman na si Remy Alto na isa ring singer at stuntwoman.

Kuwento ni Remy, bata pa siya ay hilig na niyang umawit, kaya lang ay medyo may pagka-mahiyain kaya naman hindi niya nagawang mag-audition o sumali sa mga singing contest on national television.

At sa kanyang paglaki ay hindi pa rin nawawala ang kanyang hilig sa pagkanta lalo na ang mga awitin ng kanyang paboritong si Imelda, kaya pangarap niya na isang araw ay maka-duet ang kanyang idolo o makasama sa pelikula.

Pero imbes nga na pagtuunan ng pansin ang kanyang pag-awit ay sumabak ito sa telebisyon bilang stunt woman kasabay ng kanyang pagnenegosyo katuwang ang very supportive na asawa.

Sa ngayon ay nagbabalak si Remy na bigyang oras ang kanyang hilig sa  pag-awit, kaya naman balak nitong kausapin ang isang composer para gawan siya ng kanta bago matapos ang taon.