HATAW! D'yaryo ng Bayan hatawtabloid.com
HANGGANG ngayon ay usap-usapan ang walang kuwentang performance umano ni David Licauco sa Miss Grand Philippines 2023 na ginanap ilang linggo na ang nakalipas.
Isa si David sa naging espesyal na panauhin at nangharana sa mga kandidata sa nasabing pageant, na sintonado at walang kabuhay-buhay. Kapansin-pansin ding tila tamad na tamad ang aktor sa kanyang naging performance.
Pero base sa tsikang aming natanggap, gusto raw magpasalang ng maaga si David, pero may sinusunod na sequence, kaya kahit anong pilit nitong mauna ay hindi ito napagbigyan.
Kaya naman late ito naisalang at doon na nga raw ito nag-inarte na nang kumanta ay walang kagana-gana at sintunado na naging dahilan para i-bash ng netizens.
