HATAW! D'yaryo ng Bayan hatawtabloid.com
HATAWAN
ni Ed de Leon
BAKIT naman pinagtatalunan pa kung saan nag-propose si Dominic Roque kay Bea Alonzo? Hindi ba ang mahalaga lang naman doon ay engage na.
Ang nangyari kasi, nabalita na ang engagement ay naganap sa Las Casas de Acuzar, at mabilis namang gumawa ng conclusion ang iba na sa Bataan iyon. Pero rito lang sa Quezon City, na sa ngayon ay Fernando Poe Jr. Avenue na ang tawag naroroon ang Las Casas de Acuzar. At dito nangyari ang proposal.
Ang isang hindi namin maintindihan kung bakit marami pa rin ang kumokontra kay Dominic para kay Bea. Sinasabi nila mas sikat daw kasi si Bea. Mas mayaman daw ang aktres. Isa pa nanligaw si Dominic kay Bea noong panahong katatapos lang ng break-up nila ni Gerald Anderson. Tiyak na hindi pa malinaw ang isip ni Bea noon, pero
niliwagan na niya t binakuran. Hindi mo masisigurong talagang in love nga si Bea.
Iyong mga bakla naman siyempre masama ang loob. Mag-aasawa na kasi si Dominic eh isa pa naman iyon sa pinaka-paborito nilang model ng brief. Kung may asawa na nga naman iyan baka hindi na makuha o hindi na rin pumayag na mag-model pa siya ng brief. Mawawala na ang pantasya nila sa tuwing titingin sila sa malalaking
billboard sa EDA na ang nakalagay ay mga lalaking naka-brief.
