Quinn nagpakita ng galing sa pagiging estriktong caretaker ni Ai Ai

MATABIL
ni John Fontanilla

PURING-PURI nina Louie Ignacio at Ai Ai delas Alas si Quinn Carillo sa pelikulang Litrato.

Ayon kay Ai Ai, napakahusay ni Quinn sa pelikula, hindi ito nagpahuli pagdating sa pag-arte.

Dagdag naman ni Direk Louie na isa si Quinn sa baguhang aktress na dapat inaalagaan at binibigyan ng magagandang pelikula dahil napakahusay nitong umarte plus factor pa ang pagiging mahusay na writer.

Ginagampanan ni Quinn sa pelikula ang estriktong caretaker na sabi nina Direk Louie at Ai Ai ay napakahusay sa pelikula. 

Ang Litrato ay tungkol sa isang lola na may Alzheimer’s disease, si Lola Edna  na ginagampanan ni Ai Ai.

Makakasama rin sina Ara Mina, Liza Lorena, Bodjie Pascua hatid ng 3:16 Media Network ni Ms. Len Carrillo.

Mapapanood ito sa July 26, 2023 in cinemas, nationwide.