Jos Garcia may sarili ng billboard

MATABIL
ni John Fontanilla

SOBRANG-SAYA ng international singer na si Jos Garcia dahil labas na ang mga billboard ng kanyang ineendosong produkto, ang Cleaning Mama’s ng Natasha.

Kamakailan ay bumiyahe pabalik ng Pilipinas si Ms Jos para pumirma ng kontrata at mag-pictorial sa Cleaning Mama’s at bumalik kaagad ng Japan para sa kanyang shows doon.

Kaya naman nang makarating sa kanya ang kanyang billboard ay sobrang saya ni Ms Jos. “Sobrang nakatataba ng puso na mabigyan ka ng pagkakataon na magkaroon ng billboard, ng produktong ini-endorse mo.

“Kaya nagpapasalamat ako sa may-ari ng Cleaning Mama’s at sa Natasha sa tiwala na kunin akong endorser ng kanilang produkto.

“Last year nilibot namin ang Pilipinas para i-promote ang Cleaning Mama’s, ngayon naman labas na ‘yung billboard ko.

“Nagpapasalamat ako sa Diyos dahil alam ko na siya ang dahilan kung bakit maraming blessings na dumarating sa akin,” pagbabahagi ni Ms. Jos.

Si Ms Jos din ang umawit ng themesong sa pelikulang The Revelation na pinagbibidahan nina Aljur Abrenica, Vin Abrenica, at Ana Jalandoni na idinirehe ni Ray An Dulay at hatid ng Hand Held Productions at House of Prime Films.

Excited na ring bumalik muli ng Pilipinas si Ms Jos para makita ng personal ang kanyang billboard at para mag -romote na rin ng kanyang bagong kanta.