Mallari pinakamalaki at pinakamagastos na pelikula ni Piolo

MATABIL
ni John Fontanilla

Ang Mallari ni Piolo Pascual ang pinaka-magastos na pelikula ng Mentorque Productions.

Pag-amin ng producer ng Mentorque Productions na si John Bryan Diamante sa ginanap na mediacon at contract signing ni Piolo sa pelikulang Mallari na ginanap sa Novotel Hotel, Quezon City na pinakamalaki at pinakamagastos na pelikulang gagawin ng kanyang film outfit.

Tatlo ang timeline sa kuwento nito na gagamitan ng prosthetics si Piolo kaya sobrang madugo ang paggawa ng pelikula.

Kuwento ng direktor ng Mallari na si Derick Cabrido, 20 shooting days ang nakalaan para mabuo ang very interesting at kaabang-abang na pelikula.

At kahit nga si Piolo ay sobrang excited na gawin ang pelikula lalo’t first time niyang gagawa ng horror movie.

Ang Mallari ay ipinasok ng Metorque Productions sa Metro Manila Film Festival 2023 na sana ay isa ito sa mapili para sa taunang festival.