Leren Mae iginiit wala silang relasyon ni Ricci: Fake news at wala raw basehan

MATABIL
ni John Fontanilla

ANG beauty queen at konsehalang si Leren Mae Bautista (Miss Tourism Queen of the Year International 2015 at Miss Globe 2019 pageant 2nd runner-up.) ang itinuturong dahilan daw ng hiwalayang Ricci Rivero at Andrea Brillantes.

Ang magandang beauty queen/politician daw ang bagong nililigawan ng sikat na basketbolista.

Kaya naman noong ika-25 kaarawan ni Ricci ay sa Los Baños ito nag celebrate, ang lugar kung saan nanunungkulan si Leren bilang konsehala at doon ay nagsagawa ang mga ito ng feeding program.

Ibinahagi ni Leren sa kanyang social media account ang mga litrato ng pamimigay nila ni Ricci ng pagkain sa kanyang mga kababayan.

Nag-post si Leren ng litrato sa kanyang Instagram na may caption na, “Happy Birthday @ricciiirivero! Thank you for spending your birthday here in Los Baños. We appreciate your love and generosity to give back to our people. Mabuhay ka!” 

Sa kabilang banda, agad namang nilinaw at pinasinungalingan ng beauty queen ang kumakalat na tsismis na siya ang rumored girlfriend ni Ricci.

Sa pamamagitan ng kanyang Facebook account, naglabas ito ng opisyal na pahayag at iginiit na wala siyang “romantic relationship” kay Ricci.

Aniya, hindi totoo ang mga akusasyon sa kanila at isa itong fake news.

Katunayan, ipinatanggal na ni Leren ang video na ipinost ni Ricci para matapos na ang usap-usapan sa kanila. 

Aniya sa opisyal na pahayag na ipinalabas sa FB, “The Office Of Councilor Leren Mae Bautista wants to make it clear that these claims are entirely false and have no basis in reality.

“We call on everyone to do the importance of fact-checking information shared across various internet platforms.”