HATAW! D'yaryo ng Bayan hatawtabloid.com
REALITY BITES
ni Dominic Rea
SA katatapos na Viva One app launch at 7 Million Subscribers celebration ng Vivamax ng Viva sa Viva Cafe, Araneta City unang nasilayan ang all female group na VMX Bellas na mismong si Boss Vic Del Rosario ang may idea para buuin.
Ang VMX Bellas ay kinabibilangan nina Quin Carrillo, Hershie De Leon, Tiffany Grey, Angelica Cervantes, at Denise Esteban. Sing and dance ang grupo na under the management of Len Carrillo kasama ang Viva Artist Agency.
Nagkaroon din ng solo-launching ang grupo last week at doon nga namin napanood ang todong performance ng limang girls na sinuportahan ng kanilang masusugid na tagahanga at halos 25 press members ang inimbitahan ng 316 Events and Talent Management para sa launching.
Noong gabing ‘yun ay ipinakilala rin ang bagong tatag na all male group, ang VMX V na kinabibilangan naman nina Sean De Guzman, Marco Gomez, Itan Magnaye, Mon Mendoza, at Calvin Reyes.
Ayon kay Len, tuloy-tuloy pa rin sa paggawa ng pelikula ang kanyang mga alaga at dagdag lamang itong binuong grupo sa kanilang karera bilang mga artista ng Viva.
Mukhang umaariba ngayon sa bakuran ng Viva ang mga alaga ni Len at love na love siya ni Boss Vic huh.
Kung sabagay, ma-PR din kasi si Len kaya naman pati ang pagiging connected niya ngayon sa Viva bilang isa sa mga in-house producer ay nasungkit ng aming kaibigan. Bongga!
