Lovi sobra-sobra ang paghanga kay Coco bilang direktor/actor

MATABIL
ni John Fontanilla

HINDI naiwasang kiligin ni Lovi Poe nang kunan ang kanyang debut scene sa hit ABS-CBN series na FPJ’s Batang Quiapo. Ito’y dahil sa pakikipaghalikan niya kay Coco Martin sa nasabing episode na nag-viral kamakailan.

Ayon kay Lovi, “Inaasar nga ako ni Tatay (Pen Medina) na ‘Ang landi-landi mo!’

“Mahirap naman kasing hindi kiligin, eh. Sabi ko nga, nagdidirek pa lang siya…mahirap kasi talagang hindi kiligin!  

“Hindi maiiwasan, eh, kasi kapag pinapanood mo pa lang si Coco na nagdidirek at the same time, habang ginagawa ‘yung eksena na ‘yun, siya pa rin ang nagdidirek habang nagki-kissing scene kami, makikita mo after niyon, siya pa ‘yung magka-cut, siya pa ‘yung magsasabi kung saan (ang anggulo), so mahirap na hindi kiligin talaga,” paliwanag ni Lovi. 

At sa nasabing eksena ay marami talaga ang kinilig maging ang manonood dahil bagay na bagay at click ang tandem nina Tanggol at Mokang.

Marami nga ang nagsasabing dapat ay sagutin na ni Mokang si Tanggol. At dapat  abangan gabi-gabi ang mga kapana-panabik na eksena ng FPJ’ s Batang Quiapo.