Dennis da Silva sayang na bata; nag-birthday sa kulungan

HATAWAN
ni Ed de Leon

NAALALA ng kanyang fans at kasamahan din sa That‘s Entertainment ang birthday ni Dennis Da Silva noong isang araw. Fifty years old na rin pala siya, at doon siya nag-birthday sa loob ng kulungan.

Matagal na rin namang nakakulong si Dennis  kahit na umamin ang complainant niyon na totoong may relasyon silang dalawa, ibig sabihin hindi rape ang nangyari, kung hindi pinilit lang siya ng isang nakatatandang kapatid at ng mga taga-DSWD. Nakapaglabas na ng final decision ang korte at hindi na mababago iyon, talagang kulong na si Dennis.

Iyang si Dennis, naging misguided lang ang buhay niyan, pero mabait na bata iyan eh. Kaso naimpluwensiyahan nang hindi tama. Nagkaroon ng relasyon sa mga bading, nakahawak ng malaking pera, kaya natuto ng bisyo. Tapos naman noon nagkaroon ng relasyon sa isang matrona, na ang anak nga ay naging syota rin niya kaya nangyari iyang mga bagay na iyan sa kanya.

Kung hindi lang nagkamali ng diskarte sa buhay iyang batang iyan, sikat pa iyan hanggang ngayon. Kasi sa batch nila noon siya ang pinaka-pogi at pinagkakaguluhan ng fans. May nagsasabi ring nasira ang diskarte ni Dennis noong maging syota at itinanan si Ruffa Gutierrez. Binawi ng mga magulang si Ruffa at hindi na naka-move on

si Dennis hanggang sa kung kani-kanino na nga lang sumama.

Iyan ang sayang na bata, misguided. May problema rin naman kasi iyan sa mga magulang noong araw eh. Medyo may problema rin sila. Akala nga namin maaayos iyon nang maging artista na siya, pero hindi pa rin eh.

Ewan kung ano pa nga ba ang magagawa para mai-correct iyong naging hatol ng hukuman sa kanya, dahil unfair nga iyon dahil sa ilang technicality?

Sana naman may magawa pa, dahil umamin na nga ang complainant publicly.