HATAW! D'yaryo ng Bayan hatawtabloid.com
MATABIL
ni John Fontanilla
MARAMI ang naalarma nang mapanood sa telebisyon noong Huwebes ang Kapuso host-comedian na si Boobay na nag-“hang” habang ini-interview ni Boy Abunda. Pero mas marami ang nangamba sa sagot ni Boobay sa tanong ni Boy ukol sa ano ang nais niyang iapela sa mga santo sa langit nang mahimasmasan siya makaraan ang ilang minuto?
Sa sobrang pagka-miss ng komedyanteng si Boobay sa kanyang yumaong ina ay ang pabalikin daw ito at mabuhay muli ang magiging hiling niya sa mga santo. Ito ang naging kasagutan ni Boobay nang tanungin ni Kuya Boy sa top rating show niyang Fast Talk with Boy Abunda.
Ayon nga kay Boobay, “Kakausapin ko si St. Peter, kung may chance pa ulit, sana pabalikin mo si Mama ko rito kasi gusto ko.
“Kaya ako nag-artista, kasi ‘yun ang pangako ko sa kanya na sana kapag naging artista ako, isa ka sa talagang gusto ko na nandito at makikita mo ‘yung pagpapatawa ko at pagpapasaya sa mga tao.
Nagawa pang magbiro ni Boobay nang sabihin nito na ready na siyang makipagkita kay St. Peter anytime dahil ready na siya.
“St. Peter, nandiyan ka ba? Wala? So, kung hindi puwede, ‘di ako na lang ang pupunta riyan soon. Ready na ako anytime. “
