HATAW! D'yaryo ng Bayan hatawtabloid.com
MATABIL
ni John Fontanilla
EMOSYONAL at hindi naiwasang maiyak ni Gladys Reyes sa special celebrity screening at press preview ng kanilang pelikulang Apag hatid ng Centerstage Stage Productions at ng Hongkong International Film Festival Society na produced at idinirehe ni Brillante Mendoza, isinulat ni Arianna Martinez, na ginanap sa SM North The Block Cinema 2, noong Martes.
Naiyak si Gladys dahil naalala niya ang kanyang yumaong ama na sana raw ay napanood ang kanyang pelikula dahil tiyak magiging proud ito sa kanya. Kaya naman habang ongoing ang pagpapalabas ng movie ay tuloy-tuloy din ang pagdaloy ng kanyang luha.
At bilang pure Kapampangan ang kanyang mga magulang, proud si Gladys na mapasama sa Apag, na iniaalay nila sa mga kapwa nila Cabalen.
Sa pelikulang Apag ay kakaiba at napakahusay na Gladys ang mapapanood, hindi ‘yung typical na Gladys na nakikita sa mga pelikula o teleseryeng kanyang ginagawa, na kalimitan ay kontrabida siya.
Bukod kay Gladys, napakahusay din ng kanyang co-actors na sina Coco Martin, Sen. Lito Lapid, Jaclyn Jose, Mercedes Cabral, Julio Diaz, Joseph Marco, Shaina Magdayao atbp..
Kaya naman very thankful si Gladys kay Direk Brillante sa pagsama sa kanya sa Apag, gayundin kay Coco na tinanggap ang Apag na dapat sana ang role ay para kay Aljur Abrenica na nag-backout.
Ang Apag ay mapanood simula April 8.
