HATAW! D'yaryo ng Bayan hatawtabloid.com
I-FLEX
ni Jun Nardo
AMINADO ang Sparkle artist na si Althea Ablan na mabigat ang kamay niya. Kaya naman sa cat fight scenes nila ni Shayne Sava sa GMA Afternoon drama na Ara Bella, ipinaubaya niya kay Shayne ang pag-execute ng eksenang bardagulan.
Sa nabuong friendship nina Althea at Shayne, nagsisilbi ring protector niya ang co-star.
“Opo, madalas na inaabuso na si Althea dahil sa sobrang kabaitan niya,” sambit ni Shayne sa interview namin sa kinabibilangan naming podcast.
Ang lamang ni Athea kay Shayne ngayon, may umaaligid sa kanyang isang Prince Clemente habang kay Shayne eh career muna ang focus lalo na’t wala pa siyang 18 years old, huh.
