HATAW! D'yaryo ng Bayan hatawtabloid.com
HATAWAN
ni Ed de Leon
BAGAMAT sa tunay na buhay ay magiging lolo na si Gabby Concepcion mahigit na isang buwan na lang mula ngayon, hindi pa rin naman siya tatanggap ng role ng isang
lolo sa pelikula man o sa telebisyon. In fact maging tatay man ang kanyang roles, usually mga bata pa ang lumalabas na mga anak niya. Hindi naman kasi tumanda ang hitsura ni Gabby hanggang ngayon.
Pero sa Mayo nga. Manganganak na si Garie, na anak niya sa negosyanteng si Grace Ibuna. Hindi pa kasal pero may relasyon nga si Garie sa singer na si Michael Pangilinan. Mukha namang walang problema sa kanilang pamilya ang kanilang relasyon hanggang sa ngayon. Ang sinasabi nga lang nila, si Michael ay may nauna nang anak sa isang dati niyang girlfriend. Pero hindi naman kasal iyon sa naanakan niya kaya hindi rin magiging problema kung maisipan nilang magpakasal na ni Garie ngayong may baby na sila. Pero magkaroon man ng mga apo, hindi
na nga dadami ang pamilyang Concepcion dahil puro naman babae ang naging anak ni Gabby.
Para kay Gabby, ok naman sa kanya na magkaroon ng apo, in fact sinasabi nga niyang excited na rin siya sa pagkakaroon ng apo.
Usually ganoon naman eh, mas excited ang magiging lolo, dahil iyong apo ay bunga na ng bunga mo.
Ang sinasabi pa ni Gabby, nasa edad na naman talaga si Garie para magkaroon ng baby. Iyang ganyang age talaga ang maganda sa unang panganganak. Kung medyo advance na ang age, nahihirapan nang manganak ang isang babae.
