HATAW! D'yaryo ng Bayan hatawtabloid.com
HATAWAN
ni Ed de Leon
NAGSALITA na rin ang tiyahin ni Hope, alyas Liza Soberano, na si Joni Lynn Castillo. Pati siya kasi natatanong na ngayon kung bakit naman kumukuha pa siya ng komisyon sa kita ng kanyang pamangkin. Ang karaniwan nga kasing kalakaran, iyang mga road manager at PA ng isang artista, suwelduhan lang iyan. Hindi iyan kumukuha ng komisyon.
Kung bakit nasimulan na kumukuha ng komisyon sa kanyang kinikita ang kanyang tiyahin ay hindi rin maliwanag. Baka nga gusto niyang kumuha na lang iyon ng komisyon para kung wala siyang ginagawa
ay hindi niya kailangang magpa-suweldo ng tao.
Pero maliwanag ang sinabi ni Tita Joni, “mahal ko ang aking pamangkin. Iginagalang ko po si Ogie. Para sa akin na binigyan lang ng ganyang klaseng kulay, kulay itim, dahil po sa mga napakagagaling
kumuda, kaya napakagulo na po.”
Sino naman kaya ang tinutukoy ni Tita Joni na “napakagagaling kumuda?”
Ewan nga ba kung bakit nagkagulo pa nang ganyan. Nangarap si Hope na siya ay magiging isang Hollywood star sa tulong ni James Reid kahit na wala pa namang pruweba ang mga iyon. Pero ambisyon niya
iyon eh bahala siya. Tutal naman hindi na siya bata at may sariling isip na. Nagsimula lang naman ang gulo noong mag-vlog pa iyang si Hope. Kung hindi siya nag-vlog ng ganoon wala na sanang problema. Ngayon kasama na rin ang tatay niya sa naba-bash, kasi nga nakagawa iyon ng isang maling statement para idepensa lamang ang anak niyang si Hope. Ang buhay nga naman.
