RS Francisco at Frontrow Cares pinasaya ang mga Golden Gays

MATABIL
ni John Fontanilla

NAMAHAGI ng pagmamahal ang CEO & President ng Frontrow na si RS Francisco  sa pamamagitan ng kanyang Frontrow  Cares sa mga kapatid nating LGBTQ na Golden Gays.

Naging panata na ni RS na tulungan at bisitahin ang mga Golden Gays taon-taon, kaya naman ngayong taon ay muli itong bumisita at namahagi ng mga bagong appliences, mga produkto ng Frontrow, at tulong pinansiyal.

Ang pinansiyal na ibinigay ni RS ay malaking tulong sa mga Golden Gays pambayad sa kanilang upa sa apartment na inuupahan at iba pang gastusin.

Malaking tulong din ang mga bagong appliances na ibinigay sa mga ito lalo na ang mga electric fan lalo’t malapit na ang summer.

Kaya naman sobrang na-touch ang mga Golden Gays sa suporta at pagmamahal na ibinabahagi sa kanila ng Frontrow Cares at ni RS.

Pangako naman ni RS na taon-taon bibisitahin niya at tutulungan ang mga Golden Gays sa abot ng kanyang makakaya.