HATAW! D'yaryo ng Bayan hatawtabloid.com
HATAWAN
ni Ed de Leon
LAKAS ng laugh ko at ang dami, mga 74 yata, roon sa kuwentong kung hindi raw dahil sa kontrata ni Hope na dating Liza
Soberano noon sa ABS-CBN, siya sana ang naging leading lady sa Spiderman.
Kinukuha na raw siya para sa pelikula, pero nang malaman ang nature ng contract niya sa ABS-CBN, napalitan siya. Anak naman ng hopia iyang kuwentong iyan. Si Hope, na dating Liza Soberano, na-hopia sa Spiderman dahil sa ABS-CBN.
Siguro sasabihin din na-hopia siya sa role dahil sa nalaman ni Tom Holland na syota niya si Enrique Gil. Teka sino pa ba ang maaaring sisihin?
Pero bakit ngayon pa nagsisisihan sa isang pangyayaring noon pa, bakit ang hindi tanungin kung ano ang nangyari sa career ni Hope, na dating Liza Soberano simula nang gumawa siya ng isang careless move
na lumipat ng management company? Wala siyang pelikula rito, at mukhang umaasa pa siya sa ABS-CBN nang sabihin niyang anim na buwan naman siya rito at anim na buwan lang sa LA. Eh ano na ang nangyari sa kanyang pangarap na maging isang Hollywood star sa ilalim ng management ni James Reid?
Naku, baka nagtatawa ngayon si Nadine Lustre dahil naipag-adya siya sa ganyan kalaking disaster sa kanyang career. Noon naman kasi ang pangarap ni Nadine makilala sa music eh, kaso iyong magpapakilala sa kanya, hindi nga nakagawa kahit na isang hit.
Iyang mga ganyang kuwento, iyan ang relief sa showbusiness kung masyadong seryoso na ang sitwasyon. Basta pinag-uusapan na ang mataas na taxes sa pelikula, ang mga hindi mapigil na mahahalay na pelikula sa internet at iba pang mga problema, pinag-uusapan ang mga nangarap at nagkaroon ng ilusyon na napasok na nila ang Hollywood at tiyak magkakatawanan.
