Buboy Villar malaki ang utang na loob kay Jelai Andres

MATABIL
ni John Fontanilla

MATAGAL nang gustong maging parte ng Beautederm family ang Kapuso comedian na si Buboy Villar kaya naman nang matupad ito’y walang pagsidlan ang kanyang kaligayahan. Kasama si Buboy sa  sampung pumirma sa Beautederm bilang ambassador ng pag-aaring kompanya ni Ms. Rhea Anicoche-Tan.

Kuwento ni Buboy  matagal na niyang nababalitaan ang pagiging mabait at generous ni Ms Rei na hindi lang ambassadors ang turing sa kanyang mga kinukuhang artista, kundi pamilya at anak-anakan, kaya naman pinangarap nitong maging parte ng pamilya ng Beautederm.

Malaki nga ang pasasalamat nito sa kanyang dancing partner na si Jelai Andres na isinama siya sa event ng Beautederm at nakilala si Ms Rei at doon na nagsimulang mapalapit si Buboy sa CEO at presidente ng Beautederm.

Dagdag pa ni Buboy na malaki ang naging pagbabago ng kanyang hitsura nang gumamit siya ng mga produkto ng Beautederm lalong-lalo na ang Blanc, na gumanda ang kanyang mukha sa religious na paggamit nito at iba pang produkto ng Beautederm.

Kaya naman nagpapasalamat siya kay Ms Rei sa opportunity sa ibinigay sa kanya para mapabilang bilang ambassador at pamilya ng Beautederm.

Bukod kay Buboy ang iba pang  Sparkle artists na pumirma ng kontrata ay sina Sanya Lopez, Rayver Cruz, RuRu Madrid, Cassy Legaspi, Ysabel Ortega, Tia Tomalia, Patricia Tumulak, at Edgar Allan Guzman.