Martyr or Murderer hindi nakapanghihinayang panoorin

MATABIL
ni John Fontanilla

WINNER ang sequel ng mega hit na Maid in Malacanang, ang Martyr or Murderer ng Viva Films na talaga namang pinalakpakan ng mga nakapanood ng premiere night nito last February 27 sa SM North Edsa The Block Cinema 1, 2 and 3.

Grabe ang mga revelation na mapapanood sa movie na umikot ang istorya  sa buhay ng pamilya Marcos matapos silang ma-exile sa Hawaii at nang mapunta ng Morocco si Sen Imee Marcos na ginampanan ni Cristine Reyes.

Napakahusay ni Cristine sa pelikulang ito na nagpa-iyak sa mga taong nakapanood ng premiere night sa isang eksena na dapat tutukan ng mga manonood.

Revelation din dito ang husay sa pagganap ni Ruffa Gutierrez at given naman na magaling talaga sina Cesar Montano, Elizabeth Oropeza, Jerome Ponce, at Beverly Salviejo.

Marami rin ang napahiyaw at umani ng palakpak nang ipakita ang bagong character na gaganap bilang si Presidente BongBong Marcos na si Aga Muhlach.

Worth watching at napakaganda ng pagkakagawa ng Martyr Or Murderer  pero kailangang magdala ng panyo dahil siguradong iiyak ka.

Ang MoM bukod kina Cesar, Ruffa, Cristine ay bida rin sina Ella Cruz at Diego Loyzaga with Isko Moreno, Marco Gumabao, Cindy Miranda, Rose Van Ginkel, Sachzna Laparan, Billy Jake Cortez at marami pang iba.

Napapanood na ang Martyr or Murderer sa mga sinehan nationwide at sa ibang bansa simula  March 10 sa USA, March 9 sa Middle East, March 10 sa Singapore, March 11 at 12 sa Taiwan, at March 11 sa Australia.

Mapapanood din ito sa mga sinehan sa Japan, March 19 sa Tokyo Hibiya, March 26 sa Osaka, April 2 sa Nagoya, Saitama Urawa at Tokyo Hibiya, April 9 sa Hachioji, Tokyo Hibiya at Saitama Kawaguchi.

Abangan din ang pagpapalabas ng movie ngayong Abril sa Hong Kong, Austria, Italy, Greece, at Israel.