David Umamin: I Like Cute Girls

RATED R
ni Rommel Gonzales

SA isang exclusive interview ng GMANetwork.com kamakailan ay inamin ng Maria Clara at Ibarra star na si David Licauco na mayroon siyang ‘sleep apnea,’ isang sleep disorder na tumitigil ng maraming beses ang paghinga ng isang tao habang tulog ito.

Bagamat hindi ito ang first time na ibinahagi niya ang tungkol sa kanyang kondisyon, marami pa rin ang nagulat. Hindi nila lubos akalain na sa likod ng kanyang magandang pangangatawan at nakahuhumaling na ngiti ay mayroon itong mabigat na pinagdadaanan.

Kitang-kita naman ang suporta ng fans para sa Kapuso actor dahil pinaulanan nila ito ng ‘Get Well Soon’messages.

Samantala sa guesting nina David at Barbie Forteza sa Fast Talk With Boy Abunda ay may hindi pinalampas na tanong si Boy tungkol sa posibleng panliligaw ni David kay Barbie kung sakaling hindi ito “in a relationship” sa kapwa Kapuso actor na si Jak Roberto.

Tanong ni Boy kay David, “Halimbawa lamang David, hypothetical, single si Barbie, liligawan mo siya?”

“I like smart and go getter na babae,” sagot ni David.

“So, no?” birong hirit ni Barbie.

“I like cute girls, simple lang,” nakangiting sinabi ni David.

Paglilinaw na tanong ni Boy, “Is it a yes or no?”

“Ganoon si Barbie, so, yes,” mabilis naman na sagot ng aktor.