HATAW! D'yaryo ng Bayan hatawtabloid.com
MATABIL
ni John Fontanilla
NAGBALIK-TANAW ang aktres /host/public servant na si Ms Connie Angeles nang gawaran ito ng Ading Fernando Lifetime Achievement Award sa katatapos na 25th PMPC Star Awards for Television na ginanap sa Winfor Hotel Resort and Casino kamakailan.
Bahagi ng thank you speech ni Ms Connie ang experience at mga natutunan niya sa yumaong Ading Fernandonang makatrabaho nito.
Kuwento nga nito, kay mang Ading niya natutunana na in just 5 minutes ay kayang makapag-make-up and at the same time ay magbihis ng mabilis during taping.
Ibinahagi rin nito ang ilan sa kanyang mga naging shows sa telebisyon katulad ng Pen Pen De Sarapen na kung ilang beses ding nanalo sa Star Awards; Kapwa Ko Mahal Ko, Yagit, Son of my Son, Lucky 13 atbp..
Sinabi pa ni Ms. Connie na ang pagtanggap niya ng Ading Fernando Lifetime Award ay katulad ng nilalaman ng kanyang paboritong kanta ng Hotdog na Panaginip na sinasabing, “Kung ito’y isang PANAGINIP ayoko ng magising.”
Kasamang tumanggap ni Ms Connie ng kanyang natatanging parangal ang kanyang pamilya mula sa kanyang kapatid na si Ms. Cristy Angeles, mga anak na si Camille kasama ang asawa at anak na si Raine gayundin ang mga taga-SM Foundation dahil Executive Director at Vice President ang dating host/aktres ng SM Investments Inc..
Bukod sa pagiging host at actress, naging konsehal at bise alkalde ng Quezon City at naging producer ng ilang television shows katulad ng Pen Pen De Sarapen at Mrs. M si Ms Connie.
