HATAW! D'yaryo ng Bayan hatawtabloid.com
HATAWAN
ni Ed de Leon
SIGURO nga maraming tao sa showbusiness ang concerned sa kilalang actor na kaibigan din naman namin talaga na si Roderick Paulate, na medyo nabahala dahil sa balita noong isang araw na ibinasura ng Sandigang Bayan ang iniharap niyang motion for reconsideration matapos siyang hatulan nang mahigit na 60 taong pagkakabilanggo matapos na masabing guilty sa pagkuha ng ”ghost employees” noong panahong siya ay isa pang konsehal, at dahil doon nawalan ang kaban ng bayan ng malaking halaga na umaabot sa milyong piso.
Ang tanong nila, makukulong na ba si Kuya Dick ngayong ibinasura na ang kanyang motion for reconsideration?
Hindi pa po. Sinabi lang sa motion for reconsideration na wala siyang bagong matibay na ebidensiyang iniharap na magpapatunay na mali ang akusasyon sa kanya, at dahil doon mananatili ang hatol ng Sandigang Bayan.
Iyan namang desisyon ng Sandigang Bayan, maaari niyang iapela sa Court of Appeals, at kung katigan pa iyan ng CA, maaari siyang umakyat at umapela hanggang sa Korte Suprema. Hindi rin po tama ang sentimyento ng iba na “marami namang gumagawa ng ganoon,” dahil sa batas, hindi dahil ginawa ng iba at nakalusot, maaari mo na ring
gawin. Pero naniniwala kami na kung nagawa man iyon ni Kuya Dick, may mabigat na dahilan o hindi niya alam na may nalalabag na pala siyang batas. Alam naman natin na hindi rin talaga bihasa sa batas si Kuya Dick eh.
Sa ngayon, wala talagang magagawa kundi maghintay kung ano pa ang magiging hatol ng mas matataas na hukuman.
