Bashers sinopla ni Sunshine Dizon

MATABIL
ni John Fontanilla

NAKATIKIM ng maaanghang na salita mula kay Sunshine Dizon ang mga basher na kinukuwestiyon sa desisyon nitong gumawa muli ng proyekto sa bakuran ng GMA 7 pagkatapos nitong gumawa ng proyekto sa Kapamilya Network.

Ayon kay Sunshine wala silang problema ng GMA 7 dahil naging maayos ang kanilang paghihiwalay nang matapos ang kontrata niy at magdesisyon namang gumawa ng proyekto sa ABS CBN.

Dagdag pa nito na open naman siyang magtrabaho kahit saang network lalo na’t maganda  naman ang inihahain na proyekto sa kanya.

Napaso ang kontrata ni Sunshine sa GMA taong 2021 at hindi na ito nag-renew kaya naman nagdesisyon siyang tumanggap ng proyekto sa ABS-CBN.

“”Wag pong kuda nang kuda hindi mo alam ang real story. wala akong na burn na bridge.

“I can work with anyone I want to work with. I can also choose not to work kung gusto ko.

“‘Wag masyadong nagmamarunong. TY,” pagtatapos ni Sunshine.

At ngayong 2023 ay handa na muling magbalik-Kapuso si Sunshine at makakasama nga nito sa Mga Lihim Ni Urduja sina Sanya Lopez, Gabbi Garcia, Kylie Padilla, Gina Pareño, Jeric Gonzales, Kristoffer Martin, Vin Abrenica, Pancho Magno, Michelle Dee, at Zoren Legaspi.