HATAW! D'yaryo ng Bayan hatawtabloid.com
MATABIL
ni John Fontanilla
KAABANG-ABANG ang bagong pelikulang hatid ng Philippine Stagers Foundation, ang Ako si Ninoy na pinagbibidahan ng singer/actor na si JK Labajo na ididirehe ni Vince Tañada.
After ng matagumpay na pagpapalabas ng pelikulang Katips ay ito na nga ang kaabang-abang na pelikulang Ako si Ninoy, tungkol sa buhay ni dating Senador Benigno Aquino Jr..
Si Sen Ninoy si JK sa pelikula habang si Sarah Holmes si dating Pangulong Cory Aquino. Kasama rin sina Johnrey Rivas, Marlo Mortel, Joaquin Domagoso, Sarah Javier, at Cassy Legazpi.
Makakasama rin sina Nicole Laurel, YM Yosures, Adelle Ibarrientos, Jomar Tañada, Vean Olmedo, Brae Luke Quitante, Bodgie Pascua, Jim Paredes, Pinky Amador, Lovely Rivero, Tuesday Vargas,Donita Nose, John Gabriel, Chris Lim, Carla Lim,Brylle Mondejar, Sharmaine Suatez, Lance Raymundo, at Ms Azenith Briones.
Ayon nga kay Direk Vince, “Kailangan natin ng bayani, ‘yung totoo, ‘yung hindi gawa-gawa, ‘yung hindi pinorma para mabago ang imahe ng pamilya, ‘yung bunga ng masusing research ng mga akademiko’t iskolastiko, ‘yung pinag-aralan ng mga historians, ‘yung subok ng bawat Filipino noon at ngayon!”
Dagdag pa ni direk Vince, marami silang pinagpilian para gumanap na Ninoy pero si JK ang pinili nila dahil katulad ng dating senador, good speaker din ang singer at halos parehas ang dalawa ng pagsasalita na may command. Kaya naman perfect choice si Jk sa role.
Nagulat nga sila dahil sa bukod sa mahusay kumanta si JK, napakahusay din nitong umarte at nang maayusan para maging Ninoy ay kahawig na kahawig nito ang nasirang senador.
