Para kumita at maibalik ang ningning
JAMES REID DAPAT NANG MAGPA-SEXY

HATAWAN
ni Ed de Leon

PARANG hindi naman masyadong napapansin ang bagong musika ni James Reid na inilalabas ng kanyang Careless Music. Maski na iyong sinasabi nilang mga collab na ginawa niya kasama ang ilang foreign artists hindi naman namin naririnig.

Noong araw ok ang mga concert niya, ok din ang CD niya pero hindi nmaikakaila na dahil pa rin iyon sa popularidad ng kanyang mga pelikula at love team nila ni Nadine Lustre. Hanggang ngayon naman, ang sinasabi ng kanyang fans ay pogi si James. Sinasabi rin nila na sexy ang kanyang dating.

Kaya may nagsasabi nga, tutal naman nasa tamang edad na siya. Sa birthday niya sa Mayo ay 30 years old na siya. Bakit nga ba hindi pa niya subukang magpa-sexy nang husto. Hindi naman siguro siya dapat sumabak sa mga indie na kahalayan talaga gaya ng ginagawa ng iba, iyong medyo sexy lang. After all nag-retire nga si Derek Ramsay at baka puwede niyang saluhin ang mga ganoong roles.

Tingin din namin kakagatin si James kung magpapa-sexy siya. Tama iyong mataas niyang ambisyon, pero kailangan niyang kumita ng pera.