Gab Lagman ‘di pinagsisihan pagpapa-sexy sa Vivamax movie

MATABIL
ni John Fontanilla

WALANG katotohanan na nagsisisi ang guwapong aktor na si Gab Lagman nang magpa-sexy sa Vivamax movie na Bula.

Ayon kay Gab na isa sa lead actor ng pelikulang Girlfriend Na Puwede Na, “I like that movie and most people think okay naman ang performance ko. But ‘Girlfriend Na Puwede Na’ kasi is a wholesome romcom and I’m also doing a wholesome teleserye for Viva Prime, ‘The Rain in Espana’, and it will run for several episodes so I focus now more on my wholesome projects.”

Habang nang malaman nitong makakatrabaho niya ang click tambalan nina Kim Molina at Jerald Napoles ay na-excite si Gab.

“I got excited when Viva informed that I’d get to be working with them.

“I’ve seen their movies and alam ko parehong magaling sila, so I thought I’m sure marami akong matututuhan working with them. 

“And I was right, working with them and with our director, Benedict Mique, is a great learning experience for me.

“’Yung character ni Kim, she’s ready to settle down. Eh, ako hindi pa. So normal boyfriend lang siya who admits na hindi pa siya handang magpakasal.”

Masaya si Gab na ipalalabas ang Girlfriend Na Puwede Na sa mga sinehan na nagsimula noong Jan. 18, dahil ‘yung last movie niya ay ipinalabas sa streaming platform.