Girlfriend Na Pwede Na riot sa katatawanan

WINNER ang bagong pelikula nina Jerald Napoles at Kim Molina na hanep ang ganda at kapupulutan ng aral.

Ibang-iba talaga ang tambalang KimJe. Napakahusay! Napakanatural ng dalawa at grabe ang chemistry.

Kaya naman if nagustuhan mo ‘yung mga nauna nilang pelikula nila, for sure magugustuhan mo rin itong Girlfriend Na Puwede Na.

Sa pelikulang ito mararamdaman mo ang iba’t ibang emosyon. Tatawa ka, iiyak ka, at kikiligin. Napakaganda ng istorya at pagkakagawa ng pelikula ni Direk Benedict Mique.

Mahusay din dito sina Gab Lagman, Andrea Babierra, Prince Estefan, Heart Ryan, at Tomas Rodrigo.

Maraming green jokes pero effective at aliw at sobrang nakatatawa. Kaya naman if gusto n’yong maaliw at malimutan panandalian ang inyong problema, nood na ng Girlfriend Na Pwede Na. Pramis mag-eenjoy ka!

Mapapanood na ang Girlfriend Na Puwede Na simula ngayong arawsa mga sinehan nationwide. (John Fontanilla)