Angelica negative na sa Covid

HATAWAN
ni Ed de Leon

SI Angelica Panganiban pala ang talagang nag-organize ng isang shower party para sa kaibigan niyang si Glaiza de Castro. Masaya naman ang party, ang dami na nilang nai-share na videos at photos sa social media.

Pero pagkatapos niyon, bagsak si Angelica, diretso siya sa isolation dahil nag-positive siya sa Covid. Pero mukhang hindi naman niya sa shower party nakuha iyon dahil wala namang ibang nag-positive sa covid doon sa ibang naroroon sa party.

Mahirap talaga iyan mga bagong subvarient ng covid ngayon dahil sinasabi nga nila na mas madaling makahawa. Kung sabagay ang maganda naman, mahawa ka man hindi naman malala ang symptoms.

Ewan kung madidiskubre pa kung saan nahawa si Angelica, pero sa palagay namin malabo na iyon dahil wala naman siyang natatandaang isang okasyon na masasabi niyang nahawa siya.

Kung tutuusin wala namang naibang tao roon kundi iyong grab rider na nag-sexy dancing bilang katuwaan.

Pero sa latest na tests, sinasabing nag-negative na raw si Angelica. Mabuti naman.