HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ASAHAN ang maraming emosyonal na tagpo at nag-aalab na sex scenes sa Bugso, ang pelikulang magtatambal kina Ayanna Misola at Hershie de Leon, also starring ang two-time Gawad Urian Best Actor na si Sid Lucero. Ang dalawang baguhang aktress ay itinuturing na hottest stars sa Vivamax ngayon.
Si Ayanna ay gumaganap bilang si Estella, isang high-class prostitute. Kailangan niyang makaipon para makasama na niya ang kanyang anak sa probinsiya. Pero kailangan niya itong pagplanohan nang maigi dahil hindi madaling makawala sa kanyang boss.
Si Sid ay gumaganap bilang si Dado, lover at driver ni Estella. Hindi niya masyadong ramdam na mahal din siya ni Estella pero tinutulungan niya ito sa lahat ng bagay pati sa kanyang planong makauwi ng probinsiya. Pero bago pa sila makakilos, may isang tao ang papasok sa kanilang buhay.
Si Hershie ay si Baby, isa ring prosti na inilayo nina Estella at Dado sa bayolenteng customer. Pinatuloy nila si Baby sa kanilang bahay. Aakitin naman nito si Dado na siguradong magsisimula ng malaking gulo.
Bukod sa pagtataksil, may mas matindi pang haharapin sina Estella, Dado at Baby, na maglalagay sa kanila sa peligro.
Ang “Bugso” na mula sa direksiyon ni Adolfo Borinaga Alix, Jr., ang ikapitong pelikula ni Ayanna. Ibang level ito ng pagpapa-sexy para sa kanya. Makikita sa trailer ng pelikula na may threesome na magaganap. Ayon sa dalaga, nagsimula ang pagiging sobrang daring niya sa pelikulang “Kinsenas, Katapusan.” Kuwento rin niya na heavy drama ang pelikulang Bugso dahil ipinapakita nito ang daily life ng isang prostitute.
Itinuturing naman ni Hershie na biggest break niya ito matapos niyang makagawa ng anim na proyekto – pinagsamang pelikula at serye. Una niyang nakatrabaho si Ayanna sa pelikulang “Putahe.”
Saksihan ang banggaan ng mga emosyon sa Bugso. Mapapanood sa Vivamax simula December 30, 2022.
