Nag-flop na entry sa festival malalaman ngayon

HATAWAN
ni Ed de Leon

UNANG araw ng festival, may sinasabi nang mga pelikulang mababawasan ng sinehan sa idinadaos na festival. Bagama’t ang rule,

hindi maaaring alisan ng sinehan ang mga pelikula kahit na hindi sila kumikita hanggang sa ngayon na siyang ikalawang araw ng festival.

Hindi rin maaaring maningil ang sinehan ng minimum guarantee sa mga producer ng mga hindi kumikitang pelikula.

Mayroon naman kasing mga pelikula riyan sa festival na talagang nakatakda nang mag-flop. Matagal nang tapos ang pelikula eh, hindi lang makakuha ng mga sinehan tapos isinali nga sa festival na dahil kakaunti naman ang entries, nakalusot.

Bukas malalaman na natin ang mga pelikulang mababawasan ng sinehan. Iyan ang mga pelikulang hindi nila maikakailang kahit na panahon ng festival ay naging flop.