HATAW! D'yaryo ng Bayan hatawtabloid.com
HATAWAN
ni Ed de Leon
SINISIGURO ni Anne Curtis na sa susunod na taon ay magbabalik siya sa mga pelikulang “drama”. Drama love story siguro ang tinutukoy niya, pero noong araw naman gumawa na rin siya ng mga pelikulang sexy. Iyon nga lang, hindi naman makikipagsabayan si Anne sa kagaya ng mga ginagawang sex movies sa ngayon.
Si Anne iyong artistang marunong umarte, at sabihin mo mang hindi umabot sa superstar status ang kanyang popularidad, kumikita ang kanyang mga pelikula at itinuring siyang isa sa pinakasikat.
Pero siyempre, may personal din siyang buhay na kailangang isipin. Nag-asawa siya at nagkaroon ng anak, na siyang dahilan kung bakit kailangan niyang talikuran sandali ang kanyang career. Kung mae-excite nga ang mga tao sa kanyang pagbabalik, malalaman natin iyan oras na gumawa at ilabas na ang kanyang mga pelikula.
Maraming nagawang hits si Anne. Kaso nga lang, iyong huli niyang pelikula na naisali pa noon sa festival at tumagilid din. Kailangan siguro sa muling pagsisimula ni Anne, iyong pambawi naman ang kanyang unang gawin.
