Klinton Start gustong makatrabaho ang crush na si Nadine Lustre

MULING tumanggap ng award ang aktor at tinaguriang Supremo ng Dance Floor na si Klinton Start sa Best Magazine Philippine 4th Faces of Success bilang  Most Promising Model/Actor for 2023 na ginanap sa Teatrino Promenade Greenhills,  San Juan kamakailan.

Ayon sa aktor, “Nagpapasalamat po ako sa people behind Best Magazine 4th Philippine Faces of Success most especially kay sir Richard Hinola for this recognition.

“This may serve as an inspiration for me para po mas galingan ko pa sa mga susunod kong projects.

“Iba po kasi kapag nakatanggap ka ng award, mas nai-inspire ka to give your best sa lahat ng gagawin mo.”

At dahil katatapos lang ng sinalihan niyang teleserye na Broken Marriage Vow na napanood sa ABS-CBN at habang naghihintay sa kanyang mga susunod na teleserye  at proyekto ay naka-focus muna ito sa kanyang pag-aaral.

“Hopefully magkaroon ulit ako ng teleserye and sana this time makasama ko naman ‘yung showbiiz crush at idol ko na si Nadine Lustre.

“Wala pa kasi ako sa showbiz, crush ko na si Nadine at ngayong nasa showbiz na ako ay dream ko talaga na makasama at makatrabaho siya,” pagtatapos na pahayag ni Klinton. (John Fontanilla)