HATAW! D'yaryo ng Bayan hatawtabloid.com
MAY bagong kiddie edition ang original videoke game show ng Pilipinas at may bonggang pagsalubong ang TV5para rito dahil sa Sabado, July 9, gaganapin ang masaya at interactive na Sing Galing Kids Family Day sa Vista Mall Taguig. Inaanyayahan ang mga bata at ang kanilang pamilya na makisali, makisaya, at makisalamuha sa cast ng Sing Galing Kids kasama ang Sing Galing mascot na si Genie.
Mayroong iba’t ibang games, prizes, at musical entertainment ang Sing Galing Kids Family Day na tiyak kukompleto sa weekend family bonding ng mga magsisipunta sa Vista Mall Taguig ngayong Sabado. Tiyak mag-eenjoy ang mga kids sa limang AllToys booths at ang kiddie convention na may nakaaaliw na programang perfect para sa mga bata.
Kasama rin sa event ang Meet and Greet ng Sing Galing Kids cast na pinangungunahan nina Randy Santiago, K Brosas, Donita Nose, Ethel Booba, Jona, Morissette, Gloc-9, Zendee, Queenay, Yoyo and Tyronia, at marami pang iba.
Pagpasok sa activity area, matatanggap ng mga kids ang kanilang Arkidia Passport na kokolektahin nila ang mga stamp mula sa iba’t ibang booths sa venue. Kapag nakakuha sila ng at least 3 stamps sa kanilang Arkidia Passport, mabibigyan sila ng stub (good for 1 kid + 2 companions) para ma-claim ang kanilang exciting gifts at prizes.
Tampok sa limang interactive AllToys booths ang SG Bida-Star Videoke booth na ma-e-experience nila kung paano maging isang Singkulit, ang SG Singtoker booth na makakukuha sila ng stamp ‘pag nag-record at nag-upload sila ng fun Tik Tok dance, ang Arkidia Basketball shootout na kailangan nila mag-shoot ng 3 hoops, ang Art booth/Coloring Station na makagagawa ang mga kids ng kanilang version ng genie artwork, at ang SGK Photo Booth na makakukuha sila ng stamp kapag nakapagpa-picture sila ng wacky, cool, at fun photos habang naka-costume with Genie.
Mayroon ding mga food booths tulad ng Eggspert, WaffleTime, at iba pa. At dahil Family Day, puwedeng mag-relax ang mga mommy at daddy sa Sulit TV booth na maaari rin nilang malaman ang mga exciting offers ng Sulit TV.
Sumama sa masayang Sing Galing Kids Family Day na gaganapin sa Sabado, Hulyo 9, 1:00 p.m.. Para sa mga karagdagang detalye, maaaring bisitahin ang TV5 at Sing Galing sa Facebook at Twitter.
