Tom at Carla gusto nang ipa-annul ang kasal

HATAWAN
ni Ed de Leon

MATAGAL nang hiwalay sina Tom Rodriguez at Carla Abellana. Mas matagal na nga yata silang hiwalay sa ngayon kaysa panahong nagsama sila matapos na magpakasal. Iyan ang isang hiwalayang hindi inaasahan. Matagal silang nagligawan at naging mag-on. Ilang taon din naman iyon.

Pagkatapos nagpakasal na nga sila. Ni walang nabalitang nagkagalit sila. Nagsimula iyan nang magpunta si Tom sa Cebu upang mai-check ang kanyang ginawang financial investments. Inabot siya roon nang malakas na bagyo, at walang masakyang eroplano pabalik. Nang magbalik siya sa Maynila, tila wala nang narinig na nagsama pa silang muli.

Maraming espekulasyon. Ang una, nalaman daw ni Carla na may nakaraan si Tom sa ibang babae. Pero napakababaw na dahilan dahil nakaraan na pala, at nangyari iyon bago pa sila pakasal kung totoo man. Ang isa pang tsismis hindi raw nagkasundo ang dalawa dahil sa mga investment na ginawa ni Tom, na nag-alanganin daw ang kanyang financial status. Ang daming sinasabing dahilan, pero ang nakalulungkot nga lang, nagkahiwalay sila.

Ngayon may umuugong pang panibagong tsismis, mukhang gusto na nilang ipa-annul ang kanilang kasal. Kasal sila sa simbahan kaya’t kailangan nila ng annulment hindi lamang sa legal kundi sa simbahan din naman. Iyang annulment ay isang deklarasyon na ang isang kasal ay walang bisa sa simula’t simula. Riyan lalabas na kung ano man ang kadahilanan ng hiwalayan.

Pero ang tanong nga namin, may balak na bang mag-asawang muli si Carla o si Tom para sila magmadaling makakuha ng annulment?

Kung hindi pa naman, bakit hindi nila ipagpaliban iyang annulment na iyan at bigyan pa ng pagkakataon ang mga sarili nilang magkasundo? Iyang annulment kasi ay may masamang idinudulot. Napansin ba ninyo, may mga personalidad na magpapakasal, magpapa-annul, magpapakasal ulit, at magpapa-annul na namang muli? Parang