HATAW! D'yaryo ng Bayan hatawtabloid.com
MATABIL
ni John Fontanilla
MATAGUMPAY ang pagbubukas ng Karinderia Go sa Brgy. Holy Spirit, Commonwealth Ave. Quezon City na pag-aari ni Anthony David Manalili Jr..
Dumalo at naging espesyal na panauhin sina Papa Dudut ng Barangay Love Stories, Mama Emma ng Forever Request, at Janna Chu Chu ng Barangay LS Songbook ng LSFM 97.1 Forever.
Present din ang young actor at tinaguriang Ppop Supremo ng Dance Floor at napapanood sa Broken Marriage Vow (ABS-CBN) na si Klinton Start gayunding sina Ysabella Alberto (model/ beauty queen ) at ang CEO & President ng Aspire Magazine Philippines/Global na si Ayen Castillo.
Ayon kay Anthony binuksan nila ang Karinderia Go para makatulong at makapagbigay trabaho sa mga kababayan natin. Kaya naman ipinananalangin nito na sana ay maging maganda ang takbo ng kanilang negosyo at marami ang mag-franchise.
Dagdag pa ng 29 years old , masusi nilang pinag-aralan ang bawat pagkain sa Karinderia Go at tiniyak nilang masarap bago sila nagdesisyong magbukas.
Kuwento naman ni Chef Carlo Miguel lahat ng kanilang pagkain ay hindi ginamitan ng artificial preservatives and flavoring (MSG), kaya naman tiyak itong healthy ang mga pagkaing inihahanda nila.
Sinabi pa ni Chef Miguel na bawat pagkain ay sarili nilang recipe mula sa pinagsama-samang idea ng iba pang chef ng Karinderia Go at niluto nila na punompuno ng pagmamahal, kaya walang kasing sarap ito na maihahalintulad sa luto ng ating mga Lola na may puso ang bawat putahe na inihahain sa ating hapag kainan.
Swak na swak nga sa kanilang tagline na ang—Lutong may alaala mula sa puso ni Lola.
Ilan sa mga espesyal na pagkain sa Karinderia Go ang Crispy Liempo Kare-Kare Pork/Beef, Special Sisig, Roastbef Kapampangan, Mix Sea Food, Crispy Pata, Bicol Laing, Grilled Tuna, Papaitang Kambing/Baka, Pancit Canton/Bihon, Adobo Spareribs, Sinampalukang Kambing atbp.. Kaya naman sugod na at tikman ang pagkain ng Karinderia Go.
