Sexy scenes sa Iskandalo mahahaba

HATAWAN
ni Ed de Leon

Si Jay Manalo lang ang beteranong actor, at siya lang ang kilala namin doon sa Iskandalo. Pero marami silang mga baguhang female starlets na siyang gagawa ng iskandalo, sa sinasabi nilang pinaka-iskandalosong pelikulang nagawa na.

Bago pa man nailabas sa internet streaming ang pelikula, may mga bahagi raw na sexy iyon na kumalat na sa social media. Suwerte pa rin sila, dahil sinabi naman nilang hindi nakuha nang buo ang mga eksenang sexy kaya tiyak na mabibitin lang ang mga mahihilig kung ang mapapanood lang nila ay ilang segundo ng sexy scenes. Aba eh, wala nga raw maikling sexy scenes ang pelikula. Talagang mahahaba ang eksena na walang takot na inilabas nila sa internet streaming kahit na panahon ng mahal na araw.

After all sinasabi naman nila na marami na rin ang hindi Katoliko, kaya wala rin naman silang mahal na araw na sinusunod.