Saturday , April 19 2025
Joel Villanueva, Tesdaman

Mas maraming MD board passers,<br>“DOKTOR PARA SA BAYAN” SCHOLARS – TESDAMAN…

INAASAHAN ni Sen. Joel “TESDAMAN” Villanueva na mga iskolar ng Doktor Para sa Bayan ang mga susunod na papasa sa medical board examinations.

Kahit nadagdagan ng 1,427 bagong doktor ang bansa sa pagpasa nila sa March 2022 licensure examinations, sinabi ni Villanueva, malayo pa rin ang kabuuang bilang sa nararapat na doctor-to-population ratio.

“Kung dapat may isang doktor sa bawat 1,000, kulang pa po tayo ng 80,000,” sabi ni Villanueva.

Base ito sa 110 milyong populasyon ng bansa para sa taong 2022.

“Pagdating po ng 2030, tataas sa 125 milyon ang populasyon natin, at ang dagdag na 15 milyong Filipino ay nangangailangan ng 45,000 doktor,” sabi ng senador.

Para tugunan ang pangangailangang ito, sinabi ni Villanueva na nakatanggap ng dagdag na pondo ngayong taon ang mga scholarship sa ilalim ng Doktor Para sa Bayan Act.

“Ang kabuuang pondo po para sa mga iskolar ng bayan na nag-aaral ng medisina ay lampas isang bilyong piso,” sabi niya.

Si Villanueva ang principal sponsor at principal author ng Republic Act 11509, na pinirmahan ni Presidente Rodrigo Duterte noong 23 Disyembre 2020. Siya rin ang sponsor sa pagpopondo ng batas na ito sa ilalim ng 2022 General Appropriations Act.

Ipinaliwanag ng senador na may iba’t ibang panggagalingan ang pondo ng Doktor Para sa Bayan scholarships.

Ito ang P500 milyon sa ilalim ng Medical Scholarship and Return Service program, at P167 milyon sa ilalim ng umiiral na medical scholarship program, na parehong pondo mula sa Commission on Higher Education.

Isa pang panggagalingan ng pondo ay ang pre-service scholarship grants ng National Health Workforce Support System Program ng Department of Health (DOH).

“Sa susunod na taon, dapat taasan pa po natin ang budget ng scholarship. Hindi dapat maantala ang pagpuno natin sa kakulangan ng mga doktor sa bansa,” sabi ni Villanueva.

Sinabi ng chair ng Senate committee on higher, technical, and vocational education na ang pagtaas ng bilang ng mga iskolar ay kaakibat ng pagtaas ng dami mga SUC na may kursong medisina.

Binanggit ni Villanueva, kahit pitong rehiyon sa bansa ang walang pampublikong paaralang pangmedisina, mas marami pang SUCs na may kursong medisina ang itatatag.

Sinabi ng senador, nadagdagan kamakailan ang mga pampublikong paaralang pangmedisina sa mga sumusunod na SUCs: Cebu Normal University (first in Region 7), Western Mindanao State University sa Zamboanga City (first in Region 9), at University of Southeastern Philippines sa Davao City (first in Region 9).

Inaasahang magkaroon din ng mga school of medicine sa mga SUC na gaya ng Isabela State University, Batangas State University, Cavite State University, University of Southern Mindanao, at Mindanao State University-General Santos.

“Dahil sa Doktor Para sa Bayan Act at mas maraming SUC na may kursong medisina, abot-kamay sa mga Filipino ang pangarap na maging doktor at serbisyong medikal para sa masa,” sabi ni Villanueva.

Layon ng Doktor Para sa Bayan Act na magkaroon ng mas maraming doktor sa bansa sa pagbibigay ng libreng tuition, libro, at iba pang allowance para sa mga kalipikadong estudyante.

Inaatasan din ng batas na magsilbi ang mga iskolar ng programa sa mga public health facility katumbas ng mga taon nila sa scholarship. (NIÑO ACLAN)

About Niño Aclan

Check Also

Sarah Discaya

Walang Katotohanan sa Umano’y Pang-aabuso sa PWD sa Pasig

ISANG residente ng Lungsod ng Pasig na lumahok sa pamamahagi ng bigas—kung saan na-interview ang …

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …

SV Sam Verzosa Wilson Lee Flores

Sam Verzosa handang makipagharap kay Isko Moreno sa isang matalinong debate

SHOWBIZ KONEKni Maricris Valdez HANDANG-HANDA si Manila Mayoralty candidate Sam Verzosa, sakaling anyayahan siya para sa …

Ortigas Malls

Ortigas Malls engrandeng pagsalubong sa Easter Sunday magaganap

NAGLABAS ng Holy Week mall hours ang Ortigas Malls para sa mallgoers, bilang paggunita sa …

FPJ Panday Bayanihan Partylist, 500,000 Signatures tinanggap mula sa Volunteer Movement

FPJ Panday Bayanihan Partylist, 500,000 Signatures tinanggap mula sa Volunteer Movement

NAKAMIT ng FPJ Panday Bayanihan Partylist ang matatag na suporta mula sa publiko sa pamamagitan …