Elijah Alejo top student kahit abala sa career

MATABIL
ni John Fontanilla

MASAYA ang Kapuso teen actress na si Elijah Alejo sa mataas na ratings na nakukuha ng kanilang teleseryeng PrimaDonnas Book 2 na isa siya sa bida kasama sina Jillian Wards, Sofia Pablo, Althea Ablan, Katrina Halili, James Blanco, Wendel Ramos, at Sheryl Cruz.

At kahit balik-kontrabida ang kanyang role, aprubado ito kay Elijah lalo na kapag may mga nanonood na naiinis sa kanya na ang ibig sabihin ay effective ang kanyang acting.

“Balik kontrabida po ako sa book 2 ng ‘Primadonnas,’ pero okey lang sa akin lalo na ‘pag may nagagalit o naiinis sa akin kapag napapanood nila ang kamalditahan ko sa show, dahil ibig sabihin lang effective ‘yung acting ko,” ani Elijah. 

Mas nag eenjoy na  itong maging kontrabida dahil very challenging sa kanya at mag- isa lang siya sa kaedaran niya na ginu-groom ng GMA para maging mahusay na kontrabida.

“For me po kasi, napaka-challenging ng pagiging kontrabida lalo na’t ‘yung mga role na ginagampanan ko dati ay ako ‘yung inaapi,” sambit pa ng dalagita.

At kahit abala ito sa kanyang career, hindi pinababayaan ni Elijah ang kanyang pag- aaral. Katunayan, with honors ito sa Manila Central University na nasa grade 11 na.

“Love ko po talaga ang pag-aaral kaya kahit pagod na sa taping pagdating sa pag- aaral nawawala ‘yung pagod ko.

“And ‘yun na rin naman ‘yung usapan namin ng parents ko na papayagan nila ako mag-artista pero kailangan  kong pagsabayin ang pag-arte at pag-aaral,” pagtatapos ni Elijah.