Aga thankful sa NET 25 sa pagbibigay ng shows sa kanya

PABONGGAHAN
ni Glen P. Sibonga

NAGPAPASALAMAT si Aga Muhlach sa NET 25 dahil sa patuloy na pagtitiwala at pagbibigay ng shows sa kanya.

Naipagpapatuloy ni Aga ang pagbibigay ng saya at papremyo sa maraming tao ngayong season 2 ng hino-host niyang game show na Tara Game Agad Agad!

“I’m truly grateful and happy na tuloy-tuloy ‘yung kasiyahang naibibigay namin. Habang tumatagal ‘yung show, nakikita ko kasi ‘yung mga contestant na sumasali sa amin, I see joy. They always talked about ‘yung nangyayari na naghihirap sila, hirap na hirap sila sa buhay ngayon. And knowing that there is a game show na nag-e-enjoy sila, ‘yung mga problema nakakalimutan nila, and at the same time mayroon silang nakukuhang pera na naibibigay agad-agad. So, para sa akin ‘yun at isa ‘yun pinakamagandang nangyayari,” sabi ni Aga.

Hindi sila tumitigil ng NET 25 sa pag-iisip ng improvements sa show. “We’re working on more sponsorship para we can give more prizes. I’m thankful sa NET 25 dahil nag-iisip kami parati ng things and pati ‘yung pera na ipinamimigay nila. Rito sa season 2 may idinagdag kami na home viewers, so kahit sino na nasa bahay lang nila at nanonood sa telebisyon pati sa Facebook at YouTube account ng NET 25 ng ‘Tara Game Agad Agad!’ will now have the chance to win P5,000,” masayang balita ni Aga.

Sa Tara Game Sagot Agad! may chance na manalo ng P5,000 at cellphone load kahit nasa bahay lang kayo. Manood lang ng Tara Game Agad Agad simula umpisa hanggang matapos, upang makuha ang mga sagot sa dalawang (2) Tara Game questions of the night.

Panoorin kung paano mag-register at abangan ang Tara Game Agad Agad! tuwing Linggo, 7:00 p.m., sa NET 25!